breyting á ýmsum lögum vegna fjárlaga 2021.
Virðulegur forseti. Andsvarið ætti að geta verið stutt því ég þarf aðeins að ítreka spurningarnar, vegna þess að það er ekki óumdeilt að tengiltvinnbílar séu rétta leiðin á þessum tímapunkti í orkuskiptum. Þess vegna m.a. hafa ráðherrar í tvígang lagt til að ýmist fella niður eða draga úr ívilnun til þeirra ökutækja hraðar en meiri hluti efnahags- og viðskiptanefndar treysti sér til að standa við. Þess vegna standa spurningarnar eftir: Hvaðan bárust þær ábendingar sem meiri hluti nefndarinnar fer hér eftir og hversu dýrar eru þær breytingar sem lagðar eru til í þágu tengiltvinnbíla?