fjármálaáætlun 2021--2025.
Herra forseti. Hv. þingmaður skildi kannski ekki eftir neina spurningu handa mér í seinna andsvari en hélt áfram að ræða það sem ég held að við séum í öllum aðalatriðum sammála um, að við þurfum að hafa skýra mælikvarða. En ég leyfi mér, þrátt fyrir að þingmaðurinn hafi ekki kost á að koma í andsvar við mig, að segja: Ég átta mig á þessari pólitík Pírata, að vilja hafa formið rétt og hafa skýra mælikvarða. En hvað finnst Pírötum almennt? Hvaða áherslur vilja þeir leggja í samfélaginu með beitingu ríkisfjármála?