stjórnarskrá lýðveldisins Íslands.

Virðulegi forseti. Það er ágætt að hv. þingmaður hefur eitthvað efnislegt um málið að segja. Spurt er um hvað ég eigi við. Ég er að tala um að á Alþingi hefur verið tekist á um stjórn fiskveiða um langt árabil og nú virðist mér sem sumir vilji leggja á það áherslu að binda enda á þá umræðu alla með því hreinlega að breyta stjórnarskránni. Þá þurfi ekkert að ræða þetta frekar. Og ég segi: Það er bara röng nálgun. Mér finnst krafan um þá tegund breytinga á stjórnarskránni sem felur í sér kröfuna um tímabundnar heimildir til nýtingar á sameiginlegum auðlindum illa rökstudd og rökin sem fram koma í frumvarpi hæstv. forsætisráðherra gríðarlega sterk og að baki því ákvæði er löng greinargerð sem er ítarlega rökstudd.