151. löggjafarþing — 114. fundur, 12. júní 2021.
brottfall laga um leit, rannsóknir og vinnslu kolvetnis.
558. mál
Hæstv. forseti. Maður fær ekki allt sem maður vill og vill ekki allt sem maður fær. Þannig er það líka í þinglokasamningum og Píratar verða að sætta sig við það eins og aðrir hér á þingi. Ég tel mig hafa svarað þessu ansi skýrt. Ég get ekki svarað fyrir alla Sjálfstæðismenn eða alla Framsóknarmenn og vísa auðvitað fyrst og fremst til stefnu Vinstri grænna í þessu máli. Þetta var hluti af þinglokasamningum. Þetta er niðurstaðan og henni verða Píratar að lúta líkt og aðrir.