152. löggjafarþing — 25. fundur, 20. jan. 2022.
viðvera ráðherra í óundirbúnum fyrirspurnum.
Herra forseti. Ég ákvað nú að hlýða kalli hv. þm. Andrésar Inga Jónssonar og leggjast á sveif með ráðherra. Við erum búin að taka upp breytt vinnulag í þessari Covid-viðureign og við erum farin að funda á fjarfundum og ef það er eina leiðin til að við getum átt orðastað við ráðherra væri ég alveg opinn fyrir þeirri hugmynd að við myndum setja skjá fyrir ofan kollinn á hæstv. forseta og við gætum þá átt orðastað við ráðherrana, hvort sem er úr skíðabrekkum eða af ströndinni.