áætlun um vernd og orkunýtingu landsvæða.

Frú forseti. Já, það er kannski hægt að karpa við þingið en það er erfiðara að karpa við móður náttúru. En nú er það þannig að í orkunýtingarflokknum eru tillögur sem mismikil andstaða er við í þjóðfélaginu. Sumar fela í sér stækkanir á núverandi virkjunum en aðrar eru á mjög viðkvæmum nýjum svæðum. Nú hefur þessi rammaáætlun verður lögð fram nær óbreytt í samtals átta skipti. Hefði ekki verið betra að leggja smávinnu í að ná fram þjóðarsátt um þetta mikilvæga mál í stað þess að berja hausnum við steininn? Nú er hæstv. ráðherra nýr í þessu embætti og spyr ég því hvort hæstv. ráðherra muni herma eftir forverum sínum í að berja hausnum við steininn eða hvort hann sé tilbúinn að taka þá umræðu sem þarf til að ná sátt um málið.