svör við fyrirspurnum.
Virðulegi forseti. Ég held að þetta sé einmitt það samhengi hlutanna sem skiptir máli, að við erum að hefja nýtt kjörtímabil með þeim hætti að hér hefur fallið Íslandsmet í fjölda ráðherra og ráðuneyta. Engu að síður virðist það ekki duga til að ráðherrar geti staðið í skilum við þingið. Ráðherrar eru ekki mæta hingað inn í þingsal. Þeir eru ekki að svara skriflegum fyrirspurnum. 2 milljarða ráðherrakapallinn er engu að síður ekki að skila betri framleiðni af hálfu þessarar ríkisstjórnar. Ég hef áhyggjur af því hvaða takt er verið að slá hér í upphafi nýs kjörtímabils og hvaða viðhorf speglast í garð þingsins. Við leggjum fram þessar fyrirspurnir til að ná fram mikilvægum upplýsingum fyrir gangvirki þingsins. Ég brýni forseta að ýta nú við ráðherrum ríkisstjórnarinnar og minni á að fyrirspurnin mín, sú elsta af nokkrum, er frá byrjun desembermánaðar.