aukin nýting lífræns úrgangs til áburðar.
Hæstv. forseti. Ég vil þakka fyrir þessa umræðu um lífrænan áburð og þau svör sem ráðherrann kemur með. Þetta er náttúrlega eitthvað sem hefur verið gert í gegnum aldirnar, að nota lífrænan áburð, og nú kemur umræðan upp á ný vegna þess að tilbúinn áburður hefur hækkað upp úr öllu valdi. Þá vil ég líka minna á að fyrir nokkrum árum mælti þáverandi þingmaður Þorsteinn Sæmundsson fyrir frumvarpi um áburðarverksmiðju og þótti sumum það svolítið fyndið og sveitalegt en á það algerlega við í dag. Og eins, af því að ráðherrann nefndi að það væri stefna að hætta með urðun, þá lögðum við í Miðflokknum fram frumvarp á síðasta kjörtímabili um sorpbrennslu sem eru orðnar mjög vel gerðar úr garði þannig að þær menga ekki mikið. Það er eitthvað sem þyrfti að líta til framtíðar með.