skýrsla Ríkisendurskoðunar um geðheilbrigðisþjónustu.
Frú forseti. Ég vil þakka hv. þingmanni fyrir svarið. Fagráð um mönnun og menntun er bara hið besta mál, algerlega. En engu að síður er það þetta með skort á námsplássum þegar þörfin er jafn mikil og raun ber vitni. Þá er spurning kannski að fjölga þeim, ef það væri mögulegt, og bjóða upp á þetta líka hér sunnan heiða eins og á Akureyri. Ég hef líka áhyggjur af því sem gerist eftir útskrift. Það er það sem er áhugi á og fólk vill gjarnan vinna við eitthvað en svo eru það aðstæðurnar í starfinu og annað sem kannski gerir það að verkum að fólk gefst upp. Það eru allt of margar stéttir sem hafa horfst í augu við það. Það er náttúrulega heilbrigðisstarfsfólk. Ég get nefnt kennara og fleiri. Ég velti því fyrir mér að það þurfi að gera þetta starfsumhverfi meira aðlaðandi þegar á hólminn er komið.