áætlun um vernd og orkunýtingu landsvæða.
Hæstv. forseti. Áætlun um vernd og orkunýtingu landsvæða er góð áætlun, gott verkfæri sem okkur ber að nota og því fögnum við því að 3. áfangi sé loks afgreiddur hér í dag. En hann er mjög dýru verði keyptur. Ég hélt að ríkisstjórn Vinstri grænna, Sjálfstæðisflokks og Framsóknarflokks hefði verið stofnuð til að endurspegla breiddina í samfélaginu alla leið frá vinstri til hægri, alla leið frá vernd yfir í þaulnýtingu. Í dag kemur í ljós að það er ekki erindi þessarar ríkisstjórnar. Hún endurspeglar sinn innri bergmálshelli. Og þar heyrast köllin úr Skagafirðinum hæst; köllin frá þaulnýtingarsinnunum, köllin frá þeim sem vilja færa auðmönnum og stórfyrirtækjum náttúrugersemarnar okkar á silfurfati. (Gripið fram í: Heyr, heyr.)