,,Gullhúðun" við innleiðingu EES-gerða frá árinu 2010 til 2022.

Virðulegi forseti. Það er nú kannski ekki á hverjum degi sem ráðherra kemur og fagnar því að fá fleiri verkefni en ég geri það hér og tel mikilvægt að gera það loksins að skoða það sem hefur verið gagnrýnt, að íslensk stjórnvöld hafi gengið lengra heldur en þau þurftu að gera þegar kemur að allra handa innleiðingum. Svo sannarlega er mjög mikið af þeim í því ráðuneyti sem ég stýri núna. Ég held hins vegar að við séum líka meðvituð um að það er algerlega útilokað eða væri gríðarlegt verkefni að fara í allt verkefnið ef menn ætluðu að skoða það. Þetta tel ég vera góða byrjun og ég þakka fyrsta flutningsmanni, hv. þm. Diljá Mist Einarsdóttur, og öllum öðrum hv. þingmönnum sem fóru fram á það að ég myndi fara í þetta verkefni, sem ég glaður mun fara í.