fjárlög 2023.

Virðulegur forseti. Þetta væri ein leið. Þá væri líka hægt að lengja talsvert 3. umr. um fjárlagafrumvarp hverju sinni en auðveldasta lausnin á þessu er nú samt sú að við fylgjum hér þingskapalögum og því ferli sem gert er ráð fyrir bæði í ákvæðum þingskapa og lögum um opinber fjármál og að Alþingi taki sjálft fullt forræði á fjárlagavinnunni, bæði á forminu og efninu. Ríkisstjórnin byrji á að vinna fjárlög, taki sér sumarið í það eða lengri tíma eftir atvikum, skili vel rökstuddu plaggi sem eitthvert mark er takandi á og umsagnaraðilar geta síðan varið tíma sínum vel í að rýna það.