Frestun á skriflegum svörum.
Forseta hefur borist bréf frá háskóla-, iðnaðar- og nýsköpunarráðherra þar sem óskað er eftir fresti til þess að veita skriflegt svar við fyrirspurn á þskj. 526, um áskrift að dagblöðum tímaritum og öðrum miðlum, frá Birni Leví Gunnarssyni.
Einnig hefur borist bréf frá umhverfis-, orku- og loftslagsráðherra þar sem óskað er eftir fresti til þess að veita skrifleg svör við fyrirspurnum á þskj. 541, um raforkuöryggi og forgangsröðun raforku til orkuskipta, og þskj. 548, um rafvæðingu skipa og hafna, báðar frá Eydísi Ásbjörnsdóttur.