húsaleigulög.

Virðulegi forseti. Ég þakka hv. þm. Helgu Völu Helgadóttur fyrir andsvarið. Fyrst er mjög mikilvægt að það komi fram, og hugsanlega hefur mér láðst að koma inn á það í framsögu, að í skattalögum er það mjög vel skilgreint að þeir sem leigja út fleiri en tvær íbúðir, fleiri en tvö fasteignanúmer, stundi útleigu í atvinnuskyni. Þeir sem leigja út fleiri en eina eða tvær íbúðir eru skráningarskyldir, hvort sem þeir eru einstaklingar eða rekstraraðilar. Vissulega hefur þessi breytingartillaga áhrif en það var mat nefndarinnar á heildarhagsmunum og athugasemdum sem bárust nefndinni að það væri skynsamlegt að fara þessa leið. Það er svo mikilvægt að hafa það í huga að frekari endurskoðun á húsaleigulögum er í vinnslu. Þá er tíminn búinn.