útlendingar.
Forseti. Ég segi nei af því að Mannréttindastofnun Háskóla Íslands segir t.d., með leyfi forseta:
„Efni frumvarpsins varðar með augljósum hætti mannréttindi umsækjenda um alþjóðlega vernd. Til dæmis: brottfall þjónustu (6. gr.) varðar 1. mgr. 76. gr. stjskr. og 65. gr. stjskr.“
Einnig segir Mannréttindastofnun Háskóla Íslands:
„Gerð er alvarleg athugasemd við frumvarpið að þessu leyti þar sem ekki virðist hafa verið tekin afstaða til þess hvernig ákvæðið samrýmist mannréttindaskyldum ríkisins á grundvelli stjórnarskrár og alþjóðasamninga.“
Ég segi nei við þessu. Og „getur algert brottfall aðstoðar við umsækjendur um alþjóðlega vernd, sbr. fyrrnefnd mál, í alvarlegustu tilvikunum falið í sér ómannúðlega meðferð í andstöðu við 68. gr. stjskr. og 3. gr. MSE“, sem er bann við ómannúðlegri meðferð. Þetta er mannúðin í þessu frumvarpi. Ef ég rölti hérna aðeins í hring þá sé ég engan forsætisráðherra, hún er skráð úr húsi. Hvernig getum við verið að hugsa um þetta frumvarp hérna þegar forsætisráðherra sleppir því að mæta í svona atkvæðagreiðslu? Í alvöru? Hvar er mannúðin í þessu?
(Forseti (BÁ): Hv. þingmaður segir? )
Ég byrjaði á því.
(Forseti (BÁ): Hv. þingmaður segir sennilega nei.)
Ég byrjaði á því í upphafi ræðunnar.