fjárlög 2024.

Forseti. Mér fannst ræða hæstv. menntamálaráðherra rosalega áhugaverð af því að hann talaði um stöðu barna og ungmenna og ætlar að leysa einhvern veginn stöðuna, ég veit ekki, um námsárangur í grunnskólum með sameiningu í framhaldsskólum. Ég fæ það ekki alveg til að ganga upp. Mér finnst það dálítið áhugaverð útfærsla á þessu öllu.

En þetta er alveg hárrétt hjá hv. þingmanni, það eru þessir grunninnviðir sem við erum öll sammála á Íslandi að þurfi að sinna á góðan hátt. Löggæslan, dómstólar, réttarkerfið, menntakerfið, heilbrigðiskerfið, velferðarkerfið, öryggisnetið okkar. Önnur þjónusta er tvímælalaust eitthvað sem þarf að vera skilgreint á þann hátt að sé kannski tilfallandi atriði. En við fáum ekki góða greiningu á því hvar þetta liggur. Hvar er kostnaðarmatið? Hvar erum við í þjónustustiginu í heilbrigðiskerfinu miðað við það sem við vildum vera? Þá getum við metið hvort við séum í rauninni með skerta þjónustu eða ekki. (Forseti hringir.) Við fáum ekki í rauninni þessa þjónustuskuld uppgefna í fjárlagafrumvarpinu (Forseti hringir.) og hverjir í rauninni vextirnir eru á þeirri þjónustuskuld.