samningar við sjúkraþjálfara.

Hæstv. forseti. Ég þakka hv. þm. Guðmundi Inga Kristinssyni fyrir spurninguna. Hún er mikilvæg. Já, ég myndi alveg örugglega eftir ár svara því sama vegna þess að ég legg mikla áherslu á að við náum saman við sjúkraþjálfara. Ég lít á þetta sem mjög mikilvægan lið í endurhæfingunni þvert á. Til að mynda, bara til að staðfesta áhuga og mikilvægi endurhæfingar í heilbrigðisþjónustu og velferðarþjónustu allri, þá höfum við núna skipað endurhæfingarráð þvert á félagsmálaráðuneyti og heilbrigðisráðuneyti þannig að við vinnum betur saman með öllum aðilum. Þar er auðvitað þáttur sjúkraþjálfara inni á öllum stofnunum, sjálfstætt starfandi og allra annarra, mjög mikilvægur.

Af því að hv. þingmaður kom hérna inn á offituna þá er tíðni hennar því miður að aukast eins og alls staðar í hinum vestræna heimi. Það er alveg sérmál og stórmál og ég er sannfærður um að hv. þingmaður kemur bara í samræður við mig um það mál seinna meir.