15.04.1936
Neðri deild: 49. fundur, 50. löggjafarþing.
Sjá dálk 782 í B-deild Alþingistíðinda. (1136)

63. mál, sveitarstjórnarkosningar

Forseti (JörB):

Það hafa komið fram óskir um að fresta málinu, en því er heldur andmælt af hálfu n., sökum þess, hve málið er nú búið að vera lengi til meðferðar, og treysti ég mér ekki gegn andmælum n. að taka það af dagskrá enn á ný. (Raddir hvaðanæva úr þingsalnum krefjast þess, að málið sé tekið af dagskrá). Ég sé mér þá ekki annað fært en að gefa mönnum tóm til að íhuga till. gaumgæfilega, sérstakleg, þar sem það er ekki nema nokkurt brot af þm., sem helzt við á fundinum.