Aðrar útgáfur af skjalinu:
PDF
Word Perfect.
Þingskjal 439, 135. löggjafarþing 76. mál: umferðarlög og vátryggingastarfsemi (EES-reglur).
Lög nr. 155 20. desember 2007.
Breyting á umferðarlögum, nr. 50/1987, með síðari breytingum.
Breyting á lögum um vátryggingastarfsemi, nr. 60/1994, með síðari breytingum.
Þingskjal 439, 135. löggjafarþing 76. mál: umferðarlög og vátryggingastarfsemi (EES-reglur).
Lög nr. 155 20. desember 2007.
Lög um breyting á umferðarlögum, nr. 50/1987, og lögum um vátryggingastarfsemi, nr. 60/1994 (ábyrgðartrygging ökutækja, EES-reglur).
1. gr.
Við 1. mgr. 94. gr. laganna bætist: og um skyldu vátryggingafélaga til að gefa út vottorð með upplýsingum um skaðabótakröfur vegna tjóns sem varða vátryggt ökutæki eða að ekki sé um slíkar kröfur að ræða.2. gr.
Eftirfarandi breytingar verða á 94. gr. b laganna:- Í stað orðanna „upplýsinga um vélknúið ökutæki sem valdið hefur tjóni og vátryggingu þess“ í 1. mgr. kemur: grundvallarupplýsinga sem eru nauðsynlegar við meðferð tjónamáls.
- C-liður 1. mgr. orðast svo: tjónið hafi orðið í EES- eða EFTA-ríki eða öðru ríki sem er aðili að tilhöguninni um grænt kort.
- Á eftir orðunum „starfsemi upplýsingamiðstöðvarinnar“ í 2. mgr. kemur: þar á meðal hvaða upplýsingar falla undir 1. mgr.
3. gr.
Lokamálsliður 5. mgr. 65. gr. laganna fellur brott.4. gr.
Lög þessi eru sett til innleiðingar á tilskipun 2005/14/EB frá 11. maí 2005 um breytingu á tilskipunum 72/166/EBE, 84/5/EBE, 88/357/EBE og 90/232/EBE og tilskipun 2000/26/EB um ábyrgðartryggingu vegna notkunar vélknúinna ökutækja (fimmtu tilskipun um ökutækjatryggingar). Tilskipunin var tekin upp í samninginn um Evrópska efnahagssvæðið með ákvörðun sameiginlegu EES-nefndarinnar nr. 86 7. júlí 2006.5. gr.
Lög þessi taka þegar gildi.Samþykkt á Alþingi 10. desember 2007.