Lagasafn. Íslensk lög 12. apríl 2024. Útgáfa 154b. Prenta í tveimur dálkum.
Lög um Samskiptamiðstöð heyrnarlausra og heyrnarskertra
1990 nr. 129 31. desember
Ferill málsins á Alþingi.
Frumvarp til laga.
Tóku gildi 14. janúar 1991. Breytt með: L. 83/1997 (tóku gildi 6. júní 1997). L. 162/2010 (tóku gildi 1. jan. 2011). L. 126/2011 (tóku gildi 30. sept. 2011). L. 115/2015 (tóku gildi 16. des. 2015). L. 85/2021 (tóku gildi 1. jan. 2022). L. 89/2021 (tóku gildi 8. júlí 2021).
Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við
menningar- og viðskiptaráðherra eða
menningar- og viðskiptaráðuneyti sem fer með lög þessi. Upplýsingar um málefnasvið ráðuneyta skv. forsetaúrskurði er að finna
hér.
I. kafli.
[Markmið, gildissvið og vinnsla persónuupplýsinga.]1)
1)L. 89/2021, 9. gr.
1. gr.
![](/lagas/hk.jpg)
Markmið laga þessara er að stuðla að jafnrétti heyrnarlausra til þjónustu sem víðast í þjóðfélaginu á grundvelli táknmáls heyrnarlausra.
2. gr.
![](/lagas/hk.jpg)
Hlutverk Samskiptamiðstöðvar heyrnarlausra og heyrnarskertra er að annast:
a. rannsóknir á íslensku táknmáli,
b. kennslu táknmáls,
c. táknmálstúlkun,
d. aðra þjónustu.
![](/lagas/hk.jpg)
Um skipan þjónustunnar skal kveðið á í reglugerð.
1)
![](/lagas/hk.jpg)
Stofnunin skal hafa samstarf við svæðisstjórnir um málefni [fatlaðs fólks],
2) [Ráðgjafar- og greiningarstöð],
3) Heyrnleysingjaskólann, Heyrnar- og talmeinastöð Íslands, Námsgagnastofnun og aðra opinbera aðila varðandi málefni er snerta starfsemi þeirra. Sama gildir um samstarf við félög áhugamanna.
1)Rg. 1058/2003, sbr. 884/2004. 2)L. 115/2015, 28. gr. 3)L. 85/2021, 15. gr.
[2. gr. a.
![](/lagas/hk.jpg)
Samskiptamiðstöð heyrnarlausra og heyrnarskertra er heimil vinnsla persónuupplýsinga að því marki sem nauðsynlegt er í þeim tilgangi að sinna lögbundnu hlutverki sínu, svo sem vinnsla viðkvæmra persónuupplýsinga um heilsufar vegna beiðna um táknmálstúlkaþjónustu, kennslu táknmáls og máltöku barna og í þágu rannsókna á íslensku táknmáli.
![](/lagas/hk.jpg)
Samskiptamiðstöð heyrnarlausra og heyrnarskertra er heimil öflun og miðlun persónuupplýsinga þegar nauðsyn krefur, þ.m.t. til og frá leikskólum, grunnskólum og framhaldsskólum, félags- og skólaþjónustu sveitarfélaga, Ráðgjafar- og greiningarstöð, Heyrnar- og talmeinastöð Íslands, Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu og aðilum samkvæmt lögum um heilbrigðisþjónustu.
![](/lagas/hk.jpg)
Ráðherra er heimilt að kveða nánar á um vinnslu persónuupplýsinga í reglugerð samkvæmt þessu ákvæði.]
1)
1)L. 89/2021, 9. gr.
II. kafli.
Stjórnun.
3. gr.
![](/lagas/hk.jpg)
[Ráðherra]
1) skipar stofnuninni fimm manna stjórn til fjögurra ára í senn og jafnmarga til vara:
a. einn fulltrúa tilnefndan af Félagi heyrnarlausra,
b. einn fulltrúa tilnefndan af Foreldra- og styrktarfélagi heyrnardaufra,
c. [tvo fulltrúa tilnefnda af [ráðherra er fer með málefni fatlaðs fólks],
1)]
2)
[d.]
2) skipar [ráðherra]
1) einn fulltrúa án tilnefningar. Skal hann vera formaður. Varamenn skulu skipaðir á sama hátt.
1)L. 126/2011, 149. gr. 2)L. 162/2010, 7. gr.
4. gr.
![](/lagas/hk.jpg)
[Ráðherra]
1) skipar forstöðumann til fimm ára í senn að fengnum tillögum stjórnar stofnunarinnar. Hann á sæti á fundum stjórnarinnar með málfrelsi og tillögurétti og sér um framkvæmd á ákvörðunum hennar. Forstöðumaður annast daglegan rekstur stofnunarinnar.
1)L. 126/2011, 149. gr.
5. gr.
![](/lagas/hk.jpg)
[Forstöðumaður ræður annað starfsfólk.]
1)
1)L. 83/1997, 125. gr.
6. gr.
![](/lagas/hk.jpg)
Samskiptamiðstöð gerir fjárhags- og framkvæmdaáætlun til allt að fimm ára. Stjórn stofnunarinnar staðfestir áætlanir og fylgist með framkvæmd þeirra. [Ráðherra]
1) getur, að fengnum tillögum stjórnar stofnunarinnar, sett gjaldskrá fyrir þá þjónustu sem samskiptamiðstöðin veitir.
1)L. 126/2011, 149. gr.
7. gr.
![](/lagas/hk.jpg)
Lög þessi öðlast þegar gildi. Lögin skal endurskoða innan fjögurra ára frá gildistöku þeirra.