upplýsingagjöf um sjálfbærni á sviði fjármálaþjónustu og flokkunarkerfi fyrir sjálfbærar fjárfestingar.
Virðulegur forseti. Ég þakka hv. þingmanni fyrir svarið og held ég að við getum verið sammála um það að Evrópa hefur bara klúðrað sínum orkumálum á síðustu áratugum. Að reiða sig á rússneskt gas er algerlega galið og það sem við horfum upp á núna með þessum hörmungum í Evrópu er skýr birtingarmynd þess.
En mig langaði líka að spyrja hv. þingmann vegna orða hennar hér áðan varðandi hagsmunagæslu Íslands út af fluginu og að auka skatta á flug. Er hv. þingmaður að segja að hún telji ekki ástæðu til þess að íslensk stjórnvöld berjist fyrir og tryggi það í rauninni að frumvarpið verði innleitt óbreytt frá því sem Evrópuþingið samþykkti fyrir viku síðan eða svo?