tekjur af endursölu hugverka.

Frú forseti. Í fjármálaráðuneytinu vinnur starfshópur sem samanstendur af starfsmönnum ráðuneytisins og fulltrúum ríkisskattstjóra og fjallar um skattlagningu endurfluttra hugverka eða hugverkaréttinda á þann hátt sem fyrirspyrjandi nefndi í inngangsorðum sínum. Sá hópur væri ekki að störfum nema vegna þess að ég tel koma til greina að hugverk eins og þessi verði skattlögð á sama hátt og fjármagnstekjur.

Ég geri ráð fyrir því að þessi starfshópur skili af sér í næsta mánuði og á grundvelli þeirrar niðurstöðu tek ég ákvörðun um það hvort lengra verður farið með málið.