ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Forseti. Það er leiðinlegt að við skulum þurfa að ræða það mál hvort spyrja eigi þjóðina og hún eigi að svara því (Gripið fram í: ESB?) að hér sé jafn atkvæðisréttur. (VigH: Já, blasir þetta ekki við?) Það er svo sjálfsagt í lýðræðisríki að mönnum þykir það undarlegt þegar þeir skoða hið forna lýðveldi og lýðræðisskipan á Íslandi. Það er rétt að rifja upp að þegar kosningaeftirlitsnefnd Öryggis- og samvinnustofnunar Evrópu kom hingað síðast, í kosningunum 2009, gerði hún sérstaka athugasemd, sína alvarlegustu, við einmitt þetta atriði, að kosningarrétturinn væri ekki jafn. Þannig var það.

Ég held að þetta gæti orðið til mikils gagns í þessari atkvæðagreiðslu vegna þess að henni fylgir líka umræða. Ég vonast til að sú umræða leiði til þess að þetta atriði verði tekið sem einn þátturinn í þeirri sátt sem löngu (Forseti hringir.) er kominn tími til að við sköpum milli byggðanna í landinu. (Gripið fram í: Heyr, heyr.)