lengd þingfundar.
Frú forseti. Ég ætla að ræða atkvæðagreiðsluna um lengd þingfundar. Ég tel ástæðulaust að ríkisstjórnin haldi sinni stefnu að taka ágreining þar sem hægt er, ef mögulegt er fer hún í ágreining. Við eigum fjóra daga eftir og eldhúsdagurinn er eftir líka. Ég held að það sem hæstv. ríkisstjórn vanti fyrst og fremst sé tímaskyn, að hún átti sig á því hvað tímanum líður. Hún ætti að taka fyrir mikilvægari mál, eitthvað sem varðar fjölskyldurnar og fyrirtækin í landinu og atvinnulífið en hún hefur hingað til ekki sýnt að hún hafi mikinn áhuga á fjölskyldumálum, sérstaklega þingmanna.