143. löggjafarþing — 108. fundur, 12. maí 2014.
myglusveppur og tjón af völdum hans.
96. mál
Virðulegi forseti. Ég þakka frumkvæði þingmanna og þá samstöðu sem hefur verið um þetta mál. Það þekkja allir umræðuna síðustu ár um skaðsemi myglusvepps á íbúðarhúsnæði sem og atvinnuhúsnæði. Það er mikilvægt að gera þetta. Ég gleðst yfir því að nefndin rýmki tímamörkin úr sex vikum í sex mánuði, ég held að það veiti ekkert af því. Það mun ekki standa á því að skipa þennan starfshóp hratt og vel og að hann skili tillögum sínum á tilætluðum tíma.