ummæli sjávarútvegsráðherra og sameining skóla.
Frú forseti. Mér finnst gríðarlega ámælisvert að hér hafi legið fyrir um þó nokkurn tíma beiðnir um umræðu við hæstv. menntamálaráðherra um skólamálin og svo heyrir maður í fjölmiðlum að hann sé að taka ákvarðanir og gera jafnvel óafturkræfa hluti, eða alla vega eitthvað sem tekur mikinn tíma að vinda ofan af, í skólamálunum. Mér finnst hæstv. forseti hreinlega ekki fara nógu vel með dagskrárvald sitt. Auðvitað á hæstv. forseti að kalla ráðherrann hingað, setja skólamálin á dagskrá og gera okkur þannig kleift að ræða þau mál sem brýnust eru.