áætlun um vernd og orkunýtingu landsvæða.
Virðulegur forseti. Það ljóð sem mér kemur í hug þegar ég hlusta á þessa umræðu og er viðstaddur hana, af því að hv. þm. Össur Skarphéðinsson óskaði eftir því, er kannski einna helst ljóðið Stormur eftir Þorstein frá Hamri, sem er svona, ef ég man rétt:
þyrnóttan veg
kaldur stormur og kvikur af rógi
ástin mín, sofðu, ef eitthvað skeður
ég er hér vopnaður: mörg eru veður
og undarleg.
(Gripið fram í: Bravó.) Verði þér að góðu, hv. þm. Össur Skarphéðinsson.
Lokaspurningin sem mig langar til að bera fram til hv. þingmanns er framhaldið, hvert förum við héðan? Hvað verður um rammaáætlun ef þetta verður að veruleika? Hvað gerir næsta stjórn? Segjum sem svo að það yrði stjórn sem ég og hv. þm. Bjarkey Olsen Gunnarsdóttir ættum aðild að, (Gripið fram í.) yrði þá verndarflokkurinn fylltur af virkjunarhugmyndum þar sem menn bara leyfa sér það í krafti sinna skoðana (Forseti hringir.) að fylla upp á það sem út af stendur hjá verkefnisstjórninni og setja bara nógu mikið í verndarflokk?
