efnalög.
Virðulegi forseti. Þar sem við göngum nú til atkvæða um ný efnalög tel ég rétt að þakka hv. umhverfis- og samgöngunefnd fyrir góða vinnu. Hér er um að ræða gríðarlega mikilvæga réttarbót, nýja efnalöggjöf sem styrkir umtalsvert stöðu málaflokksins og er í raun mikilvægari en virðist við fyrstu sýn. Við erum að tryggja að meðferð á efnum og efnablöndum valdi hvorki tjóni á heilsu manna eða dýra né á umhverfi en líka tryggja frjálst flæði á vörum og innri markaði EES að því er varðar þessa vöruflokka.
Hér er sem sé um að ræða mikilvægt öryggis- og neytendamál og ég ítreka þakkir mínar til hv. nefndar.