kísilver í landi Bakka.
Virðulegi forseti. Ég bendi hv. þingmanni á að tveir þingmenn Sjálfstæðisflokksins lögðu fram dagskrártillögu til að reyna að ýta málinu fram þannig að það kæmi sem fyrst til umræðu og að ágætur tími gæfist til að fara í gegnum málið. Vissulega er það rétt, eins og hv. þingmaður bendir á, að í umsögnum koma fram athugasemdir, m.a. frá Alþýðusambandi Íslands, þar sem gerðar eru athugasemdir við málið. En þó vil ég segja að afstaða Sjálfstæðisflokksins, þingmanna hans, mun koma fram í atkvæðagreiðslu um málið að loknum umræðum.