136. löggjafarþing — 112. fundur, 24. mars 2009.
embætti sérstaks saksóknara.
393. mál
Virðulegi forseti. Ég þakka hv. þingmanni fyrir að hafa leitt það mál til lykta sem hún hefur verið að glíma við frá því við hæstv. utanríkisráðherra áttum í orðaskiptum við upphaf þessa máls og að hún sé sátt við niðurstöðuna. Þau orð sem fram komu í ræðu hennar staðfesta það sem ég sagði að ágreiningur var á milli ráðuneyta um málið og dómsmálaráðuneytið vildi ganga lengra en viðskiptaráðuneytið. Hv. þingmaður hefur nú lesið upp skjöl því til staðfestingar.