opinber stuðningur til fjárfestinga í sprota- og nýsköpunarfyrirtækjum.

Virðulegur forseti. Við greiðum hér atkvæði um Kríu – sprota- og nýsköpunarsjóð. Markmið sjóðsins er að efla vöxt og samkeppnishæfni íslensks atvinnulífs með því að stuðla að virku fjármögnunarumhverfi fyrir sprota- og nýsköpunarfyrirtæki. Nýsköpun og hvers konar hagnýting hugvits er mikilvæg forsenda fjölbreytts atvinnulífs, sterkrar samkeppnisstöðu, hagvaxtar og velferðar þjóðar. Með Kríu stuðlum við að því að Ísland verði enn betra land fyrir frumkvöðla og sprotafyrirtæki.