139. löggjafarþing — 116. fundur, 3. maí 2011.
landsdómur.
769. mál
Frú forseti. Ég ítreka enn og aftur að hér er verið að ræða formsatriði sem snýr að milliliðalausri málsmeðferð og réttaröryggi. Ég taldi að réttaröryggi kynni að vera teflt í tvísýnu og ég held að ég geti tekið undir orð hv. þm. Birgis Ármannssonar um að þetta var besta úrlausnin í boði, fremur en að gera ekki neitt. Orðalagið í greininni eins og hún liggur núna fyrir er að mínu mati skýrara, tekur af tvímæli og er betri lögfræði ef ég má orða það þannig.