veiðigjöld.

Frú forseti. Það er farið að birta af degi svo það er bara kominn nýr dagur og mér líst vel á þetta. Það sem ég hef áhyggjur af eru börn þingmanna. Ég var einu sinni í félagsmálanefnd og síðan í velferðarnefnd og þar er fjallað um barnavernd og ég held að það sé ekki gott fyrir börn að missa foreldrana svona á hverju vori. Það mætti líka setja í þingsköp að þingmönnum sé bannað að eiga börn. Þá þyrfti sennilega að breyta stjórnarskránni. Engir þingmenn séu kjörgengir sem eiga börn.

Ég saknaði í þessari umræðu þeirra hv. stjórnarliða sem vildu ítarlega umræðu, sérstaklega hæstv. utanríkisráðherra sem montar sig af því að hann geti alveg verið til kl. 5 eða 6 á morgnana. Ég vil gjarnan sjá hann og etja kappi við hann hvor geti verið lengur.