tóbaksvarnir.
Hæstv. forseti. Þetta mál er þverpólitískt í eðli sínu. Það eru skiptar skoðanir um þetta mál innan allra stjórnmálaflokka og ég skal játa að ég hef haft miklar efasemdir um þetta þingmál. Í því felst óneitanlega mikil forræðishyggja og ég vil að þessi mál gerist, spretti af sjálfu sér.
Við umræðu og umfjöllun í heilbrigðisnefnd og öðrum nefndum þingsins hefur hins vegar komið fram mjög eindreginn vilji, bæði veitingahúsaeigenda og starfsfólks í þessum greinum, um að við samþykkjum þetta frumvarp óbreytt eins og það liggur fyrir. Mun ég verða við þeim óskum og styðja frumvarpið óbreytt.