aðgangur að opinberum gögnum um öryggismál.
Frú forseti. Ég mæli fyrir tillögu til þingsályktunar. Þessi tillaga skýrir sig sjálf enda hefur farið fram um hana nokkur umræða á Alþingi. Rætt hefur verið um að gera tilteknar breytingar á tillögunni til að koma til móts við sjónarmið sem hafa komið fram á hv. Alþingi, sérstaklega frá stjórnarandstöðunni. Ég vænti þess að þau sjónarmið verði tekin til athugunar í nefndinni sem fær málið til umfjöllunar í því skyni að ná um málið samstöðu á Alþingi.
Ég tel ekki ástæðu til að fara um málið frekari orðum og vænti þess að sú samstaða geti skapast og legg til að málinu verði vísað til hv. allsherjarnefndar.