þingsályktunartillaga um ákæru á hendur mótmælendum.

Frú forseti. Ég kem hingað til að mótmæla orðum hv. þm. Jóns Gunnarssonar um að við þingmenn Vinstri grænna höfum hvatt til þess að mótmælendur ryddu sér leið inn (JónG: Það var bara …) í húsnæði Alþingis. Ég er þingmaður Vinstri hreyfingarinnar – græns framboðs. Ég stóð hérna úti og ég fór ekki inn í þessa byggingu og hvatti ekki til þess þannig að ég ætlast til þess að hv. þm. Jón Gunnarsson biðji okkur afsökunar á þessum orðum sínum.

Að lokum vil ég geta þess að mér finnst mjög miður að þessi ákæra hafi farið héðan út frá Alþingi á hendur níumenningunum. (Gripið fram í.)