149. löggjafarþing — 126. fundur, 19. júní 2019.
sameining Seðlabanka Íslands og Fjármálaeftirlitsins.
765. mál
Herra forseti. Ég vil byrja á að þakka hv. þingmanni fyrir ræðuna. Ýmislegt í þessu frumvarpi er mjög gott. Það sem mig langar samt að vita og spyrja hv. þingmann um er hvort hún geti útskýrt betur fyrir mér hver muni fara með eftirlit í þessari nýju stofnun, þ.e. eftirlit með Seðlabankanum sem er mjög stór aðili á markaði. Getur hún útskýrt aðeins hvernig eftirlit með eftirlitinu á að fara fram?