fimm ára samgönguáætlun 2020–2024.
Virðulegi forseti. Þannig háttar til að þetta er fyrsta atkvæðagreiðslan af fjórum um samgöngumál og ég ætla að koma hérna einu sinni upp til þess að þakka þingheimi fyrir fara í gegnum þessi flóknu og miklu mál þar sem við erum að leggja grunn að talsverðri sókn í samgöngumálum, atvinnusköpun. Ég held að við séum öll sammála um að það sé gott. Ég vil bara þakka umhverfis- og samgöngunefnd, framsögumanni, Líneik Önnu, Ara Trausta Guðmundssyni og Vilhjálmi Árnasyni sem voru í sérstökum hópi, og nefndinni allri og þingheimi fyrir afbragðsvinnu við flókið úrlausnarefni. Það gleður mitt litla hjarta eða stóra að sjá allt grænt hér í kvöld.
(Forseti (SJS): Þrátt fyrir þessi fallegu orð hæstv. ráðherra verður forseti að minna á að það ber að ávarpa þingmenn fullu nafni jafnvel þótt um flokkssystkin sé að ræða.)