breyting á þingsályktun nr. 26/148, um stefnu stjórnvalda um uppbyggingu flutningskerfis raforku.
Herra forseti. Það er rétt að árétta vegna ýmissa ummæla sem hafa fallið hér að Stefán Már Stefánsson og Friðrik Árni Friðrikssson Hirst áréttuðu það sérstaklega á fundi utanríkismálanefndar í ágúst, þá komu þessi ummæli frá þeim:
„Séu fyrirliggjandi skjöl lesin saman, þ.e.a.s. þingsályktunartillaga utanríkisráðherra og þingsályktunartillaga ferðamála-, iðnaðar- og nýsköpunarráðherra, auk lagafrumvarpa hins síðarnefnda, ásamt greinargerðum og öðrum gögnum, teljum við að fyrirvörunum sé þar réttilega haldið til haga.“
Þetta þarf öllum að vera kristaltært í öllum málflutningi. Það þýðir ekki að vísa mánuð aftur í tímann, hálft ár aftur í tímann. Þetta er það sem kom frá þessum háttvirtu lögspekingum okkar fyrir nokkrum vikum í þessu máli, þannig að það sé öllum fullljóst að málið að stenst að þeirra mati fullkomlega.