139. löggjafarþing — 140. fundur, 3. júní 2011.
stjórn fiskveiða.
827. mál
Virðulegi forseti. Hv. þingmaður spyr hvort það sé frágangssök við gerð nýtingarsamninga að útgerðir hafi ekki kjarasamninga. Já, í mínum huga er það frágangssök. Mér finnst það svo sjálfsagður hlutur að allar stéttir eigi rétt á að búa við gilda kjarasamninga og ég vona að hv. þingmaður deili þeirri hugsun með mér. Landssamband smábátaeigenda er ekki með gilda kjarasamninga og ég á ekki von á öðru en að bót verði ráðin á því.