gjaldeyrismál og tollalög.

Virðulegi forseti. Hér fer fram mjög merk umræða og ég tel að það færi mjög vel á því að hæstv. forsætisráðherra og hæstv. fjármálaráðherra væru hér í salnum og hlustuðu á umræðuna. Hér hefur verið lýst mjög skaðlegum afleiðingum ef það frumvarp sem hér er til umræðu verður að lögum. Það hefur verið sagt frá því í ljósi reynslu annarra þjóða. Svo alvarlegt er þetta mál að í nefndaráliti minni hlutans er sagt að þetta geti verið ein versta efnahagslega aðgerð sem gerð hefur verið á Íslandi um langa hríð (Gripið fram í: Fyrir utan …) og þá er nú langt til jafnað. Ég mælist til þess að forseti hafi samband við hæstv. forsætisráðherra og (Forseti hringir.) hæstv. fjármálaráðherra og geri hlé á fundinum meðan þau tygja sig á staðinn.