eitt innheimtuumdæmi.
Herra forseti. Hér er varpað fram mjög mikilvægri spurningu og ég held að ef vilji er fyrir hendi hjá hæstv. ríkisstjórn og stjórnvöldum sé alveg hægt að flytja starfsemi út á land þó um sameiningu sé að ræða.
Ég ætla að ræða um annað sem er mismunandi meðhöndlun hjá sýslumönnum. Það hefur jafnvel leitt til þess að menn hafa flutt vörurnar á aðra höfn en eðlilegt væri til að fá þægilegri afgreiðslu. Þegar innheimta á svona gjöld þarf að skoða vörurnar mismunandi mikið og menn taka stikkprufur og það er spurning hvað menn taka stikkprufurnar títt og hvað þeir eru nákvæmir í allri skoðun. Mér hefur verið sagt að þetta sé dálítið mismunandi eftir embættum og að innflytjendur láti jafnvel vörurnar fara til þeirra sýslumanna sem eru þægilegri í þessari vinnslu en aðrir og það finnst mér ekki gott.