138. löggjafarþing — 151. fundur, 6. sept. 2010.
Stjórnarráð Íslands.
658. mál
Virðulegi forseti. Hér ræðum við frumvarp til laga um breytingu á lögum um Stjórnarráð Íslands. Þetta er það umfangsmikið mál að mér finnst óeðlilegt að hæstv. forsætisráðherra sé ekki við þessa umræðu. Þess vegna fer ég fram á það við forseta að hæstv. forsætisráðherra verði kallaður til til að hlusta á það sem þingmenn hafa hér að segja, sérstaklega í ljósi þess að þetta er lagt fram í mikilli ósátt.