húsaleigulög.
Virðulegur forseti. Í yfirlýsingu ríkisstjórnarinnar vegna stuðnings við lífskjarasamninga segir orðrétt:
„Ákvæði húsaleigulaga verði endurskoðuð til að bæta réttarstöðu leigjenda, meðal annars hvað varðar vernd leigjenda þegar kemur að hækkun leigufjárhæðar og bættri réttarstöðu leigjenda við lok leigusamnings.“
Mér leikur hugur á að vita, vegna þess að hv. þingmaður talar um að að hér sé verið að ganga á samningsfrelsi fólks: Er í hans huga hægt að uppfylla þessi loforð sem voru gefin án þess að raska að einhverju leyti samningsfrelsinu eða reisa ákveðnar skorður við því?
Í öðru lagi langar mig að spyrja hv. þingmann hvort hann telji unnt að ná þessum markmiðum, hvort hann sé í raun ósammála hæstv. innviðaráðherra um að það sé einhvers konar forsenda fyrir því að ná þessum markmiðum sem þarna er mælt fyrir um að lögfesta skráningarskyldu af einhverju tagi.