Stjórnarráð Íslands.
Virðulegur forseti. Þetta frumvarp er lagt fram af forsætisráðherra, það þarf enginn að velkjast í vafa um það en það hefur náttúrlega tekið meiri háttar breytingum í meðförum þingsins. Það er að mínu mati blessunarlega svo að þingið hefur í mörgum tilfellum tekið að sér að fara mjög vandlega yfir frumvörp sem koma frá framkvæmdarvaldinu. Ég held, án þess að ég hafi mikla þingreynslu, að það hafi stóraukið hlutverk sitt í því að gera breytingar og koma að stefnumótun sem auðvitað á að vera hlutverk þingsins. Ég veit að við hv. þingmaður og andmælandi, Pétur H. Blöndal, deilum þeirri skoðun að það væri óskandi að í auknum mæli færi fram stefnumótun hér á vettvangi þingsins.
En þessu frumvarpi er ekki verið að veita óbreyttu í gegnum þingið, það er verið að gera miklar breytingar á því og miklar lagfæringar að mínu mati.