málshöfðun gegn ráðherrum.
Frú forseti. Við höfum á síðustu dögum verið að tala um ný vinnubrögð og nýja orðræðu hér á vettvangi þingsins. Ég gat ekki heyrt það hjá fulltrúa Sjálfstæðisflokksins í þessari umræðu, hv. þm. Jóni Gunnarssyni, að hann væri kominn upp úr þeim hjólförum sem Alþingi Íslendinga hefur verið í á undangengnum mánuðum. (Gripið fram í.)
Hæstv. forseti er búin að lýsa því yfir að hún muni kalla formenn þingflokka á sinn fund í hádeginu. Þingmannanefndin getur líka fundað í hádeginu. Við erum að verða búin að ræða um þetta mál í 25 mínútur einmitt í anda gömlu umræðunnar. Getum við ekki leyft þessari umræðu að fara af stað og leyst úr málum í sameiningu og samvinnu á vettvangi þingsins, á fundum á milli þingflokka, í stað þess að karpa um málið fram og til baka á þinginu? Þetta mál á skilið allt aðra umræðu en hér hefur farið fram. (Gripið fram í.)