139. löggjafarþing — 164. fundur, 15. sept. 2011.
Stjórnarráð Íslands.
674. mál
Virðulegur forseti. Ég vil segja um það aðstoðarmannakerfi sem hér er verið að ræða, að þetta er auðvitað heimildarákvæði, það felur ekki í sér sjálfkrafa að hæstv. ráðherrar muni ráða til sín tvo aðstoðarmenn. Það er opnað á þann möguleika.
Mig langar að spyrja hv. þingmann: Þegar hann var sjávarútvegs- og landbúnaðarráðherra, hvað hafði hann þá marga aðstoðarmenn?