eftirlaun forseta Íslands, ráðherra, alþingismanna og hæstaréttardómara.
Frú forseti. Ég þakka þingmönnum fyrir góðar undirtektir við þetta frumvarp. Eins og hæstv. utanríkisráðherra sagði er kannski megintilgangurinn með því að flytja það í þessu formi að hreyfa við málinu. Ég sjálf hef mjög ákveðnar skoðanir á því hvernig þurfi að klára þetta mál. Það þarf að klára það með því að þessi sérréttindi, hvort sem þau voru fyrr eða síðar en þau sem eru í þessum lögum, verði afnumin og auðvitað ber að stefna að því að allir landsmenn njóti sömu lífeyriskjara. Það hlýtur að vera stefnan.
Ég enda mál mitt á því að segja að það er mér að meinalausu og meira en það ef breytingar á frumvarpinu yrðu einnig varðandi áunnin réttindi. Ég hélt að ég hefði skýrt það í máli mínu eða vonaðist til að ná að skýra það í máli mínu að í frumvarpinu er ekki um það fjallað til að forðast það að beina umræðunni að því sem ég tel hliðaratriði. Aðalmálið tel ég að afnema þau réttindi sem voru ákveðin í desember árið 2003.