Mat á umhverfisáhrifum og skipulags- og byggingarlög.
umhverfisráðherra (Sigríður A. Þórðardóttir) (S) (andsvar):
Frú forseti. Eins og ég tók skýrt fram í ræðu minni áðan er þetta til skoðunar í undirnefnd EFTA. Þar eru margir aðrir lagabálkar undir. Ég tók líka fram að við teldum að við hefðum þegar komið inn í íslenskan rétt ýmsu af því sem er tekið fram í greinargerð um innihald tilskipunarinnar.
Á þessu stigi þekki ég ekki út í hörgul hvernig menn vinna á vegum utanríkisráðuneytisins að þessu máli. Hins vegar er alveg ljóst að það er ekki komið að því að okkur sé skylt að taka málið inn í íslensk lög á þessu stigi. Mér finnst þó mjög líklegt að svo verði. Það er auðvitað hluti af innleiðingarferlinu.