verslun með áfengi og tóbak o.fl.

Virðulegi forseti. Hv. þm. Guðlaugur Þór Þórðarson telur eða ég upplifi það að minnsta kosti þannig að honum þyki þetta vera mál sem eingöngu við þingmenn eigum að takast á um. Ég fæ það ekki alveg skilið af því að ég held að þingmannamálin séu ekki minni mál en ríkisstjórnarmál og snerta, eins og hér hefur réttilega verið bent á, stefnu ríkisstjórnarinnar, m.a. í heilbrigðis- og lýðheilsumálum, sem samþykkt var hér í desember. Það er ekki óeðlilegt að eftir viðveru ráðherra sé kallað, þótt ekki væri nema bara á þeirri forsendu. Ég held að við eigum einmitt að hafa hæstv. ráðherra sem oftast viðstadda þegar við ræðum þingmannamál. Þetta er ekki bara samtal á milli okkar þingmanna. Þeir eru líka þingmenn, það má ekki gleyma því.

En ég óska eftir að fá staðfest hvenær áætlað er að þingfundi ljúki á þessu fimmtudagssíðdegi þar sem við erum að fara inn í helgina.